Текст книги "Антология хожений русских путешественников XII-XV века"

Въ велицъи же церкви у святаго Михаила и въ тъхъ же полатахъ Коньстянтиновъ крестъ верху олтарныхъ дверей стоить, съ нимъ же на рать ъздълъ. Ту же и и труба Исуса Навгина Ерихоньского взятия. И ту есть во олтари Авраамова овня рога: въ ту же трубу и рога вострубятъ аггели во второе пришествие Господне. Ту же есть Самоиловъ рогъ, изъ него же масло излиялъ на Давида царя, и палица Моисъова, ею же море раздълилъ и люди проведе сквозе не, а Фараона потопивъ въ мори со Египтяны; той же посохъ и рогъ окованъ со драгимъ камениемъ.

И въ малемъ олтари за святою трапезою покрыта трапеза, на ней же Авраамъ со святою Троицею хлъба ялъ; и ту стоить крестъ въ лозъ Ноевъ учиненъ, юже по потопъ насадивъ, и сучецъ масличенъ туто же, его же голубь внесе, въ той же лозъ есть.

А у стороннихъ дверей во притворъ на стъне написанъ Христосъ мусиею, великъ стоящь, и попъ предъ нимъ кандило вжеглъ; и бысть ему кадящи фимияномъ и гласъ бысть отъ образа къ попови: ис пола ити дъспода, и потомъ въ третий день пославленъ бысть патриархомъ. Смотримъ же, братие, сице добродетель доводить чти и сана великаго въ сии въкъ и въ будущий.

На преградъ у великаго олтаря вчиненъ щитъ Коньстянтиновъ и на немъ ставять агнецъ на обою страну и даютъ причящение людемъ. Ту же есть во олтари Илиины милотии часть и пояса его. Церковь же мощена краснымъ мраморомъ, а подъ нею до плеко и подходять человъцы; и учинено сквозъ мраморъ проходи; и егда внидетъ царь въ церковь ту, тогда понесутъ подъ исподъ много ксилолоя темьяна и кладутъ на углие, и исходить воня проходы тъми во церковь на воздухъ и наполнится благоухания вся церковь; пъние же воспоютъ калуфони, аки аггели, и тогда будетъ стояти во церкви той аки на небеси или аки въ рай; Духъ же Святый наполняетъ душу и сердце радости и веселия правовърнымь человъкомъ.

Подъ царьскими же дверьми въ притворъ стоить столпъ мраморянъ, и негоже привязанъ былъ святый мученикъ Исидоръ, и съ тъмъ столпомъ вышелъ есть изъ моря, и мощи его ту суть, и иныхъ святыхъ мощей много во Златыхъ полатахъ. Целовали же есмя и образъ пречистыя Богородицы Одигитрия, юже святый апостолъ Лука написалъ.

Иже ходить во градъ и Пятерицею, къ ней видитъ и Лахерную святую, къ ней же Духъ Святый сходить. Въ той же церкви есть риза святыя Богородицы и посохъ Ея, сребромъ окованъ. И поясъ Ея во прикупной рацъ лежить.

Ту есть во прикупной образъ Спасовъ, его же Феодоръ християнинъ далъ въ поручение жидовину Аврамию; ту же есть гробъ Симеона Богоприимца. Въ той же церкви подъ трапезою лежить Ияковъ брать Господень; ту же и святый пророкъ Захария лежить. Въ той же церкви и младенецъ: половина лежитъ во столпъ, а вторая половина во Иерусалимъ. Ту же есть во церкви 12 коша хлъбовъ исполнено Христовымъ благословениемъ, их же Господь ялъ со ученики Своими; а хлъбы суть тъ во стънъ запечатани.

И оттолъ есть церкви святыя Фотинии Самаряныни, и ту и мощи ея лежать.

И отъ тоя есть церкви святыхъ безсребреникъ Козмы и Дамияна, велика; ту же святаго Анкйдина лобъ и Козминъ, окованъ сребромъ.

Далече же оттоль, къ морю идучи, святая Анна дъвица въ тълъ, аки жива лежитъ, скручена.

И оттолъ надъ моремъ же святый Николае Новый въ тълъ лежитъ.

А у Лахърны во церковныхъ полатахъ святый Феодоръ Стратилать лежитъ, и щитъ и мечъ его ту же, надъ нимъ же стоить икона Иоана Крестителя, въ ней же замчены и запечатано царьскою печатню власы Иоана Крестителя (а верхъ святаго Иоана Крестителя главы его и перси и перъстъ его и зубъ лежать въ Студиискомь монастыри у святаго Феодора; ту же лежать святый Феодоръ и брать его Иосифъ, Селуньскии епископъ, въ монастыри Студискомъ во единомъ гробъ). Свитку же святаго Феодора, яже была отъ тъла, въ ней же мученъ бысть, возлагаютъ ея на гробъ его на праздникъ его. Ту же и глава Захарии пророка и святаго Вавилы и иныхъ святыхъ мощи, и лице святаго Иоана Крестителя.

Въ Маганьскомъ монастыри у святаго Георгия во церкви верхъ главы святаго Георгия и рука святаго мученика Прокопия и иныхъ святыхъ мощи.

А олтарь чинень у тое церкви со драгимъ камениемъ, и надъ нимъ образъ написанъ Спасовъ, како бесъдовалъ съ Самарянынею у кладезя.

А внъ того притвора церковь святаго Николы, и ту воскипъ въ кадилъ млеко.

А егда дълаша святую Софию, въ олтарьныя стъны клали святыхъ мощи.

А кладези мнози во святъи Софии.

А на полатахъ кладези и оградъ патриарховъ и церкви мнози. Овощь же патриарховъ всякий: дыни и яблоки и груши держатъ въ кладязи по вержено ужищемъ въ кошницы; и когда ясти патриарху, и тогда выимаютъ е студено. Тако же и царь ястъ. И баня патриархова на полатахъ. Воды же по трубамъ возведены; а другая дождовая. И на полатахъ же исписани патриарси вси и цари, коли– ко ихъ было во Царъградъ, и кто ихъ ересь держалъ. На полатахъ во церкви 5 главъ лежать, окованы со жемчюгомъ, аки отвесъ сребрянъ.

А по амъболу, къ Коневому торгу идучи, на лъвой странъ есть церковь святыя Богородицы, и ту есть трапеза Господня мраморяна, на ней же вечерялъ Господь со ученики своими въ великий четвертокъ.

А у святыя же и Апостольския церкви царь Коньстянтинъ съ матернею своею лежать во единомъ гробъ; и за тъмъ гробомъ лежитъ мраморъ, а въ немъ стопа святаго апостола Петра, аки въ воскъ воступилъ; той же камень изъ Рима принесенъ. И въ той же церкви во олтари лежитъ святый Иоанъ Златоустыи и Григореи Богословъ; на олтарнъй же преградъ святыхъ мощи. Ту же есть и безмъздникъ 3-хъ раки сребряны и главы апостолъ Иякова Брата Господня и Матфея еваггелиста (а тъло его лежитъ внъ града), и иныхъ апостолъ мощи лежатъ у Апостольския церкви. А подъ трапезою лежатъ святии Андръи и Лука и Тимофеи. А порты апостольския лежатъ въ олтаръ за трапезою въ рацъ. Олтарь же посреди церкви; а предъ олтаремъ стоить столпъ мраморянъ, у него же Христосъ привязанъ бысть (а доска, на ней же положенъ бысть Господь, егда сняша Его со креста, и тогда святая Богородица плакала, осязавши тъло Сына Своего и Бога, и шли слезы Ея на доску ту, и суть бълы видъниемъ, аки капля вощаныя, и та доска лежитъ во Понтократаръ монастырь). Ту же во церкви святаго Спиридона глава (а рука его и мощи у святыя Богородицы у Одигитрия въ монастыри подъ олтаремъ лежитъ), и святаго Феодора перъсть въ той же церкви.

А во Калуяновъ монастырь лежатъ мощи святаго Власия и глава его и иныхъ святыхъ.

А во Филатроповъ монастырь гвоздь Господень и кресты честныя и мощи святыхъ.

Въ Пандопафтии же монастыри.

А у Златыхъ врать святый Диомидъ и мощи его лежатъ.

А оттолъ мощи святаго Мамонта; ту же есть и монастырь его. А оттолъ же святыя Карпъ и Папила въ женьскомъ монастыри во единомъ гробъ лежатъ; а ту поставилъ церковь царь Коньстянтинъ.

Съ странъ же того Трояндофилица монастыре и ту множество и мощей святыхъ; и Илиины милотии ту часть есть; и той монастырь грады и селы и златомъ богатъе инъхъ всъхъ монастырей во Цариградъ.

А оттолъ святый Стефанъ Новый въ монастыри лежитъ; и на память его главу приносятъ къ погребу; идъже съдълъ вверженъ; главу же его носить епархъ чрезъ всю нощь со множествомъ людей со свъщами; зовуще: "киролъсу".

А оттолъ святая Богородица Вергетри, метохие; и ту же во церкви стоить посохъ желъзенъ со крестомъ святаго Андрея апостола; и въ томъ монастыри жилъ Сава, Сербьскии князь, егда изыде отъ Святыя Горы.

И близь того есть монастырь женьскии, въ немъ же лежатъ во единомъ гробъ 10 мученикъ и дъвица царевна въ тъле на перху лежитъ: тъхъ же всъхъ мучилъ Копронимъ, поганый царь.

А оттолъ же святаго Мокия монастырь, а въ немъ церковь велика; и въ той же церкви подъ олтаремъ лежитъ святый Мокии и святый Самсонъ; отъ гроба его вода идеть.

Недалече отъ монастыря того Новый отецъ Еуфимей лежитъ, иже оковався въ желъзахъ ходилъ.

Оттоле же Кира, Иоана мощи.

И странь того церкви святаго Луки есть, идъже всъхъ умершихъ погребаютъ; въ той же церкви святый Анастасии безъ главы есть, а главу его украли.

А толъ святый Димитреи лежитъ въ тълъ бълецъ; а образъ его яки святаго Мины.

А отъ него въ монастыри мужьскомъ святаго Дия глава и мощи. И у столпа посторонь Богородицына монастыря лежитъ Новый Евдокимъ во сребрянъ гробъ аки живъ.

И у Романовыхъ врать святый великий пророкъ Данилъ лежитъ и святый Романъ и Никита.

На странъ же того мъста при стънъ граднъи святая Настасия дъвица въ тълъ лежитъ.

И оттолъ святии Флоръ и Лаверъ въ тълъ лежать.

Странь же ею церкви святаго Никиты; и нога святаго Никиты ту.

Близь же того церкви святый Георгии. У обою же сею церквию множество мучимо бываетъ.

И оттуду святый Феодоръ преобразился въ корытъ, мъсящи тъсто въ корытъ черницъ.

И близь же того святый Никифоръ патриархъ Цареградцкый лежитъ.

И есть же манастыирь, къ Лахърнъи идучи, святаго Иоана Крестителя; и ту выпущаютъ людий на праздникъ и на великъ день 3-жъ годъ до года и кормятъ всъхъ; а черницъ не испущаютъ изъ монастыря никогда же; черницъ же есть двъстъ; а селъ не держать, но Божиею благодатию и пощаниемъ и молитвами Иоана питаеми суть.

О страну же того монастыря святаго Георгия, и ту лежитъ святый Феодоръ Секиотъ въ тълъ въ сребрянъ гробъ; и ту крестъ его на желъзнъ пососъ, съ нимъ же ходилъ на гору ко святому Георгию молитися; еже есть ту и потырь его мраморянъ, ею же служилъ, и многа исцъления болнымъ отъ него бываютъ, пиющимъ воду исъ потира.

И отъ святаго Полиекта бываетъ исцъление злуницамъ и инымъ болъзнемъ.

Странь же Апостольския церкви Всъхъ есть церковь; и ту глава святаго апостола Филиппа и иныхъ святыхъ мощи.

А въ Козминъ и Дамьяновъ лавръ и мощи ихъ. Ту же и святая Еуфимия въ тълъ лежитъ. Се же отъ сего 10-е лъто явившися отъ земля плотию; не въдяху бо ея, гдъ положена бысть; святии бо отцы тою Еуфимиею препръша еретиковъ.

А святая Феодосия въ женьскомъ монастыри въ тълъ лежитъ во сребрянъ гробъ; и на переносъ выносятъ ю и на человъки поставляютъ и болнымъ исцълъния отъ нея бываютъ.

И оттолъ близь святый Исайя пророкъ подъ трапезою лежитъ. Странь же того церкви есть святаго Лаврентия, и ту мощи его. И оттолъ, горъ идучи, святый Антонеи отецъ лежитъ. А отъ него святый Павелъ бълецъ на Лугаревъ.

И святый Иоанъ Кущникъ лежитъ у врать двора своего; и крестъ его на желъзнъ пососъ.

А у святаго Воскресения Господня на Черномъ великомъ уболъ, идъже свъща вожигаются на великий день, ту жъ лежитъ святый отецъ Ауксентей, иже жилъ на холмъ со святымъ Стефаномъ Новымъ. Ту жъ и Маркелъ святый, иже ту церковь поставилъ, велми чюдну; преже святыя Софии та церкви поставлена; ту же страстии Господниижъ гвоздь и крови Господни; и празднуютъ въ великий пятокъ; а по инымъ церквамъ не служатъ въ великий пятокъ, ни у святыя Софии, но мыють церкви въ тыи дни и бъбиовомъ листвиемъ настилаютъ во церкви.

На томъ же уболъ святыхъ Макъкавъи главы и мощи.

А оттолъ на уболъ святаго Георгия святый Леонтеи, попъ русинъ, лежитъ въ тълъ: великъ человък той бо Леонтии 3-жъ во Иеросалимъ пъшь ходилъ.

Странь жъ того цекровь есть святаго Платона, и ту мощи его, и святый Иоанъ Милостивый. Ту жъ домъ святаго исповъдника Павла, и ту подъ трапезою мощи его и омъфоръ его и петрахиль его цълуютъ.

Конецъ же Рускаго убола церковь 40 мученикъ, и мощи ихъ ту лежатъ (а ныя мощи въ Севастии); и ту жъ глава святаго Аникия. И оттолъ церковь святаго Прокопия; ту жъ, илобъ его.

У Понтократаря же монастыря у заднихъ врать святый Коньстянтинъ царь черьнецъ въ тълъ аки живъ лежить; а у преднихъ врать святъи Изаиле мощи.

А странь тое церкви святыя мученицы Анастасии дъвицы ту лежитъ: всякое волхвование и потворы открываетъ.

А святыя мученицы Варвары, мощи ея во церкви ея; и отъ сосцу шла кровь и млеко на землю, и учинилъ Богъ камененъ сосецъ. А у Благовъщения святыя Богородицы Романъ пъвецъ лежитъ.

А оттолъ монастырь святаго Василия; и ту петрахиль его, и кость ручная святаго Симеона Богоприимца. И оттолъ церковь святаго первомученика Стефана, а въ ней есть Стефановъ лобъ, изъбитъ камениемъ, и нынъ съситъ есть; и иныхъ святыхъ мощи многихъ ту.

А у Плакоты же церковь святыхъ мученикъ Гурия и Самона и Авива; ту же и мощи ихъ.

И странь тое церкви есть церковь святаго Анисима, Павлова ученика, и мощи его ту.

А за Пятерицею мощи святыхъ Иулияна и Кирика и Улиты и святыя Феклы.

И оттолъ церковь есть святаго Агафонника, въ ней жь и мощи его. Близь же Плакоты есть монастырь святаго пророка Илии, и въ немъ церковь, и въ ней мощей святыхъ множество. И на праздникъ по всей церкви поставляютъ столы и на нихъ возлагаютъ мощи святыхъ.

И во церкви святаго мученика Акакия, юже поставилъ царь Коньстянтинъ, въ ней же и мощи его; и за олтаремъ тоя церкви святаго Митрофана гробъ, перъваго патриарха Цареградцкаго; ту и петрахиль его и глава; а тъло его бивъ батоги и зъжегъ поганый царь Копронимъ.

За подгориемъ же есть церковь святыхъ мученикъ Сергия и Вахка, и главы ихъ ту лежатъ; и рука Сергиева и кровь его, и свята– го Епимахакровь ту жъ въ рацъ.

У Подромия есть церковь святыя мученицы Еуфимии; то же и гробъ ея тощь, сребромъ окованъ. Въ той же церкве святый Георгии лежитъ.

Сторонь же о Безъкоимитами свята мученица Иульяния въ тълъ лежитъ.

Въ бозницы святаго Самсона посохъ его и петрахиль и ризы его; ту же и сковърада, на ней же мученъ святый Арестъ.

У церкви святаго Акинъдина глава Ануфрия и святаго апостола Фомы нога цъла (а лобъ его за Пятерицею).

И близь же святыя Софии есть церковь святаго Иоана Богослова; ту есть камень, ижъ подложенъ былъ подъ главу святаго Иоана Богослова во гробъ его. Въ той же церкви во притворъ лежитъ святый Георгии: той бо Георгии егда преставися и несену ему на погребение мимо тое церковь, и ста у тое церкви и не движеся мимо итъти, ту и положенъ бысть; и много исцеление болнымъ отъ него бываетъ.

А иныхъ святыхъ многихъ не писалъ есмь, иже суть внъ Царя– града.

Се же внутръ града.

И есть монастырь святаго Феодора и церковь его.

За Испигасмъ же Олофтири мощи и кровь; и то же лежитъ и святый Иоанъ Милостивый въ тълъ и у Спига.

А во Испигасъ градъ есть церковь святыихъ мученикъ Бориса и Глъба: въ томъ градъ явишася святии, и исцъления многа бываютъ отъ нихъ.

Во Испигасъ же градъ во церкви святыя Богородицы написанъ на стенъ святый Иоанъ, и выросло у него изъ чела трояндофиловъ цвътъ въ сыропустную неделю, аки сыръ бело; и идоша вси гражане на видъние то и на покланение. Стояло то знамение крестаобразно до Коньстянтина и Елены.

Во Испигасъ же есть церковь святаго Николы, греческая; и странь ея жилъ Коньстянтинъ царь. И есть въ тълъ явился цареви, и повелъ царь патриарьху внести его во градъ и создати церковь во имя его и монастырь (и есть та церкви у Понтократаря монастыря). А той Коньстянтинъ первое жидовинъ бъ и крещься и наученъ бысть отъ Стефана Новаго. Во Испигасъ есть церковь его.

Странь же Испигаса и святыя Софии мощей много лежитъ.

А оттолъ святая Анастасия въ тълъ лежитъ. Та же и замужемъ была, но милостынею и добрымъ житиемъ спасеся.

И есть церковь, а въ ней 7 апостоловъ лежитъ, Урванова чадь; а та церковь прежде и Царяграда поставлена.

И странь того женескъ монастырь святаго Иякова Перьскаго; ту лежитъ святая Мария дъвица въ тълъ; и поставляютъ ю на человъки.

И оттолъ есть церковь святыя Ирины велика; ту же и мощи ея лежатъ.

А оттолъ въ женьскомъ монастыри есть глава Иринина.

А во трудоватицахъ за Испигасомъ на горъ святый Зотикъ лежитъ420420
  …на горъ святый Зотикъ лежитъ. – Речь идет о знаменитом легендарном сказании о святом Зотике. Будто велел император некоему строителю Зотику возвести для него роскошный дворец. Взял зодчий золото, но вместо того, чтобы расходовать его на стройку, раздал беднякам. Разгневанный император велел схватить Зотика. Стражники привязали его за ноги к хвостам двух лошадей, которые разорвали беднягу на части. История эта носит легендарный характер, хотя вместе с тем отражает и некоторые реальные факты. Зотик на самом деле был знатным вельможей, но променял богатство и власть на служение больным и сиротам.


[Закрыть]. Тому бо Зотику повелълъ царь полаты здати; и онъ же вземъ злато и раздавъ нищимъ; царь же повелъ его привязати ко хвостомъ двъма конема, да его разторгънутъ; они же влекоша его по полю и сташа въ лъсъ на единомъ мъстъ; и ту и положенъ бысть святый; и церковь учиниша; ту же и храмины поставиша недужнымъ; и даютъ милостыню християне.

И отъ него же Лазарь писецъ иконный421421
  ..Лазарь писецъ иконный… – Речь идет о иконописце Лазаре. Известно, что он жил в IX в. и еще в молодости ушел в монастырь, чтобы иметь возможность заниматься иконописью. Лазарь пережил тяжелое время иконоборчества и многочисленных ересей. Одна из легенд повествует, что враги художника сожгли его руку, чтобы он не мог больше творить изображения. Однако Богородица чудесным образом исцелила иконописца. Воодушевленный божественной помощью, Лазарь создал свой шедевр – икону Богородицы с младенцем и двумя ангелами в алтаре Святой Софии.


[Закрыть]: той первъе написалъ во Царъградъ во святъи Софии во олтари святую Богородицу, деръжащу Христа, и два аггела.

И отъ того есть монастырь, и въ немъ лежитъ святый Анания апостолъ.

А оттолъ святый Фока коръчмитинъ лежитъ.

А въ Мачюковъ монастыри лежитъ святы Иасъсонъ.

А оттолъ есть монастырь Кирсака царя: святый Михаилъ. И въ томъ монастыри есть икона, а на ней написанъ Христосъ; къ нему же пошелъ бъ человъкъ въ ротъ не по правдъ, и отвратилъ Христосъ лице Свое отъ него.

А оттолъ же святый Данилъ столъпникъ на горъ въ тълъ лежитъ. А по Данилъ на томъ же столпъ; седъль Акакий, и той туто же лежитъ во церкви. Въ той же церкви лежитъ блаженая княгиня Ксъния Брачиславля422422
  …блаженая княгиня Ксъния Брачиславля. – Добрыня упоминает, что в церкви Даниила столпника в Пере упокоилась княгиня Ксения Брячиславна, т.е. жена Брячеслава, князя Полоцкого. Уникальность этого известия определяется тем, что оно относится к древнейшему периоду отечественной истории и другими источниками не передается.


[Закрыть].

А оттолъ святии отцы 318, туто же мощи ихъ.

А оттолъ, въ лъсъ идучи, есть монастырь Иверьскии, въ же лежитъ глава святаго Илария.

Въ мужескомъ монастыри лежитъ царевна святая девица София въ тъле. А отъ иного бо злаго царя лежала сохранена 100 лътъ и явилася потомъ.

А оттолъ есть женескъ монастырь, и въ немъ лежитъ Тарасии патриархъ.

Есть же монастырь за Испигасомъ на горъ святая Богородица; и седълъ на столпъ инокъ и поставилъ монастырь той. А селъ нъсть у него. И святая Богородица явилася игумену того монастыря и повелъла дяяти милостыню, и игуменъ той преставляяся написалъ грамоту: даяти милостыню, донелиже и монастырь стоить; и нынъ даютъ всякому человеку хлъбъ и вариво и по чяши вина. Всякъ иже християнинъ, грядыи во Иеросалимъ, или изъ Еросалима, то ту по вся дни ядятъ423423
  Всяк иже християнинъ, грядыи во Иеросалимъ, или изъ Еросалима, по ту по вся дни ядятъ… – Царьград служил для русских путешественников, стремившихся в Палестину, своего рода перевалочным пунктом.


[Закрыть]; и Грецы такоже ядятъ у нихъ, и молитвами святыя Богородицы не оскудиваетъ монастырь той.

А отъ Царяграда до святыя Пятницы день пъшему идти.

А внъ Златыхъ врать святый Никола пробилобъ; и прокована вся икона сребремъ и позлачена. А когда царь приидетъ, и тогда открываютъ сребро, и цълуетъ царь во главу, отнюду же кровь шла, и паки покрываютъ сребромъ.

Не дошедъ же Пятницы мало, святая Еуфимия въ тълъ лежитъ, и святая Пятьница въ тълъ лежитъ, и носятъ на переносъ.

Отъ нея святая Елена девица лежитъ.

У Калиполя же святый отецъ Еуфимеи лежитъ.

А во Хрусополии святый Василеи Новый лежитъ. Той бо святый Василеи о Страшнъмъ Судъ написалъ.

Мы же потщимся, братие, оставити всю злобу дияволю и связавшеся любовию и поревнуемъ тъх святыхъ житию, их же память есть написана здъ. Тии бо святии человъцы же бъша, яко же и мы, но попраша всяку злобу жития сего и во уметы вся вмъниша. Мы же оставимъ та, отъ нихъ же хощемъ разлучитися, и взыщемъ тъхъ, идъже ны пойти радующися къ живому Богу въ жизнь вечную, не имущую конца. Се же на увъдъние и на память и на молитву благовърнымь человъкомъ еже есть во Царъградъ, по Суду, извну града: отъ многа ничтоже святыхъ написахъ или во градъхъ, или во святии Софии, и во Апостольской церкви, иже паки во Царъградъ.

Мануилъ царь испытывалъ по всей области Греческой и повелълъ звати всъхъ поповъ и давати имъ пореперу и монасты.

Колико есть отъ конецъ Суда и до другаго конца? Отъ Греческаго моря и до Русьскаго моря есть поповъ 40 ООО, акромъ монастырьскихъ; а монастыревъ 14 ООО; а у святыя Софии 3 ООО поповъ: пятьсотъ ругу емлютъ, а полтреги тысящи не емлютъ; егда же умретъ попъ отъ пятисотъ, то отъ полутретги тысящи входить попъ на место его. И спасаются служащей во церкви Богомъ и святою Богородицею, славяще святую Троицу, Отца и Сына и Святаго Духа купно и нераздълимо и хваляще пречистую Богородицу, тоя бо ради спасени бываемъ вси правовернии християне, и получаютъ въчную жизнь и нынъ и присно и во въки въкомъ, аминь.

«Книга Паломник» – Сказание мест святых во Царьграде Антония, архиепископа Новгородского в 1200 г. / Под ред. Х.М. Лопарева // ППС. СПб., 1899. Т. 17. Вып. 3.

"Книга Паломник" архиепископа новгородского Антония (в миру – Добрыня Ядрейкович) описывает святыни и достопримечательности Царьграда в самом начале XIII в. Это важный источник для изучения русско-византийских связей. Он содержит богатый материал по истории искусства и архитектуры Византии.

АНОНИМНОЕ ХОЖЕНИЕ В ЦАРЬГРАД

Бывшу мне грешному и недостойному рабу божию в Коньстантинеполе, богонарицаемем Цариграде, и видевши ми пристрашнаа чюдеса, како чюдо творит икона пресвятаа Богородица, подавает исцеление болящим, тако и сии святии, лежаще в теле, чюда сътворяют, больных исцеляют, от бед избавляют, от грех очищают, и то видевь, аз грешный раб божий написах правоверным крестьаном на послушание.

Аще кто пойдет в Констянтинополе, в нарицаемыи Царьград, на поклонение святым страстемь господнимь и святой Софеи, и войдя в Царьград, пойти ко Святой Софеи; пришед к ней, пойти во святую Софею в притвор полуденными дверьми.

Воиде во притвор есть ту предел церковь святаго Михаила: а в том пределе явися святый Михаил къ уноши424424
  …явися святый Михаил къ уноши… – Здесь автором пересказывается легенда, известная в русской письменности по «Сказанию о построении Софии».


[Закрыть], стражю рукоделнаго. Тако рече святый Михаил къ уноши: «Где мастеры церкви сея, и каково имя церкви?» И отвеща юноша: «Мастеры отидоша на царевь двор обедати, а церкви во имя никакоже не нарицаеться». И рече святый Михаил къ уноши: «Иди, рьци мастером, да скоро свершають церковь сию во имя святаго Софея». И рече уноша къ святому: «Господи, страшно се есть видение се твое: свет ризы твоея осиает мя. Господи, како имя твое нарицается?» И рече святый: «Имя мое Михаил». И рече уноша къ святому: «Господи Михаиле, да не отиду отсюду, доколе государие мои придут, да не погублю рукоделиа». И рече Михаил святый къ уноши: «Како имя твое?» И рече уноша къ святому: «Имя мое нарицаеться Михаил». И рече святый Михаил къ уноши: «Михаиле, иди къ Цареве, и да повелит мастером скоро свершити церковь сию во имя святыя Софеи, да аз буду страж святыа Софеа и рукоделие въ твое место. А тако ми сила Христа господа бога моего, да не отиду отсюду, донележ приидеш». Послаша уношу святый, и отиде и поведа цареви явление святаго Михаила. Царь, помыслив на сердци своем, посла уношу того в Рим того ради, да не возвратится въспят, да будет страж святый Михаил дому святыа Софеи и Царяграда до его пришествиа.

А оттоле поиде мало есть входы направо на полату к патриарху к притвору святыя Софея. А из притвора полезти в святую Софою направо средними дверьми западными. А возле тых дверей есть двери Ноева ковчега, и цепь железная, юже пошаше Павел апостол, и тыми дверьми знаменаются крестьане, исцеление от них бывает.

А над дверьми есть Спас чюдотверныи иконы высоко, тот Спас много больных исцеляет. Перед тем Спасом висело паникадило, ретяз железна, к той ретязи привязан стькляникь с маслом, а под стькляником стоит столпець в мрамору камен, а на столпьци чаша окована железом ковчежным; в тую чашу масло капало с поникадила; урвася стькляник с маслом и разби чашю на двои и столбець каменыи разрази, а стокляник не разбися и масло ся не пролило. Тот столпец скован обручами железными, и чаша к нему прикована на видение крестьяном и на исцеление больным.

Оттоле пойти къ олтарю прямо къ животворящему кресту: ту есть во олтари животворящий крест, на котором распяша господа. Туто ж есть на праве въ пределе столпець камен, на коем сидел Христос, съ саморянынею беседовал у кладезя.

Далее пойдя на правую руку олтаря есть Троица святая икона, пред иконою трапеза Авраамля, на той трапезе покладал Авраам хлеб пред Троицею и обедал с Троицею; тою трапезою знаменаются людие крестьяне, исцеление от нее бывает.

Далее пойдя в кут церкви по правую руку олтаря есть одр железный, к задней стене прислоненыи: на тех одрех святый Георгии и святый Никыта мучен бысть. Туто ж есть конец одра ларец камен на столпци: в том ларци мощи 40 мученик и 11 младенец избиенных; тым одром знаменаются крестьане и ларцем, исцеление от них бывает.

А с левую руку олтаря лежит патриарх святый Арсенеи в теле: больным от него исцеление бывает.

От дверей Ноева ковчега пойти мало на левую страну есть беседа, на ней же плакал Иеремия пророк Иерусалима града, и столпец, под ним же плакал Петр апостол, и столпцы каменыи иерусалимьскые; тою беседою знаменаются крестьане, исцеление от нее бывает. Туто ж есть у левое стороны близ стены в столпе замурован Григореи Богослов.

Далее пойдя мало по левой стороне есть теремець, а в теремци святаа Богородица: таа икона посылала мастеры на Кыев ставити церкви Печерьскыа425425
  …таа икона посылала мастеры на Кыев ставити церкви Печерьскыа… — Легендарный рассказ об основании Печерской церкви из «Киево-Печерского патерика» – памятника начала XIII в.


[Закрыть] во имя святыа Богородица. Та же икона плакала, коли фрязи взяли Царьград и держали 62 лета, но веры ради не мучили никогоже, и пришедши пред икону сию, имаша слезы ея и запечаташа в рачице злате на выделе стенном ту же пред иконою, а самых фряз много крестися. И пришед Калимох из Аравия, изгна фрязы, а град предася Настасу царю; и тые слезы сседошася аки жемчюг и до сего дни; тая же икона многий целит больных.

Оттоле пойдя мало есть доска Ноева ковчега; на той досце покладают страсти господни въ великыи четверток: губу и трость и копие. Тогда бывает сход велик крестьян со всех сторон, знаменаются страстми господними, велико исцеление бывает больным, и приходящим бывает прощение грех и от бед избавление.

Далей пойдя в кут церкви на левой стране вырезан Спас в камени в дорогом аспиде: тым Спасом знаменаются крестьане, исцеление от него бывает. А Иоана Златоустаго посох к стене прикован при левой стороне.

А в олтаре святыя Софеи у великого престола есть фоб святаго Иванна Златоустого покровен дьскою, утворенную златом и камением драгим, а сам лежит аки жив, бе бо весь цел и ничтоже уныло умыи ни от риз, ни от влас, но благоухание велие испущает и до селе; в память же его велико бывает схождение, не токмо христиане, но и фрязи и латыня, и много исцеление бывает и прощения.

А войдя во церковь по правой руце кладезь и чаша мраморъна 6 сажень, в ней же патриарх крещает. И иная многа видеста очи мои, их же несть потонку сказати. Оттоле же изыдох от святыя Софея церкви.

Егда же во храме божий ходих святыя Софея и видех ино чюдо: есть бо идущу во святую Софею от великаго оклада от первых дверей до вторых 50 лакот, сиречь сажен, а от втораго порога до амвона 70 лакот; мало же не дошед амвона, есть ту горка мраморна, на ней же стоит святая чаша потир, около же нее огражено каменем, а верху ея киот медян позлащен. Егда бо хотяху фрязи взята Царьград426426
  …хотяху фрязи взяти Царьград… – Речь идет о четвертом походе крестоносцев (1202-1204), когда был захвачен и разграблен Константинополь и создана Латинская империя, просуществовавшая до 1261 г.


[Закрыть], тогда патриарх нача хранити сосуды и взем чашу ту и понесе из святаго олтаря; егда мимо идя амвон, тогда бысть ему глас глаголя: «Доселе доидеши и не преидеши». Он же слышав ту устрашися и изрути чашу ту и хоте взяти и не возможе, и огради ю каменем. А от амбона до олтаря 30 лакот, а олтарь есть 50 лакот в долготу, а ширина 100. А ширина святыя Софея 200 лакот, а высота ея 108. А верхи ея чюдны украшены и утворены; а над прежними дверми на высоте ея написан Соломон мусиею аки жив в кругу лазурне со златом; 6 сажен, кажут, мера ему, а всех престол во святей Софеи 84, а дверей всех 72; а столпов всех округ ея и внуть ея 300 и 62.

До селе сказание о церкви святыя Софея; прейдем на градцкое сказание. Се же о граде сказ. Аз… исповем, елико еще могу: не бо вся исследовах, но желание имею тамо ми конец улучити; не бо много пребых тамо, но такмо лето едино, не же ходих куды, по токмо до Колуянова городка и придох семо.

Выйдя из святыа Софеи и с церкви полуденными дверьми есть при правой руце столп камен высок, а на столпе царь Устиниан на кони427427
  …царь Устиниан на кони… – Конная статуя византийского императора Юстиниана находилась против западного входа в Софию. В середине XV в. статуя бесследно исчезла.


[Закрыть]: царь меден, дръжит в левой руце яблоко злато со крестомь, а правую руку поднял на полдни, а противу ему 3 столпы камены, на столпах 3 цари поганый, все слепи медяны, аки живы стоят, колена поклонили царю Устиану и городы свои предают ему в руце. Тако рекл Устиань царь: "Вся земля Сорочиньскаа428428
  …земля Сорочиньскаа… – Буквально: земля мусульманская. Мусульмане считали себя потомками библейских Авраама и его жены Сары, отсюда и название мусульман «сарацины». В средние века их также называли агарянами, измаилтянами, от имен рабыни Агари, наложницы Авраама и их сына Измаила (библ.).


[Закрыть] под моею рукою".

Выйдя из великаго оклада святыа Софеа из ворот полуденных есть в левой руце церкви святый Спас: в той церкви написан Спас святый на стене над западными дверми; того образа приела царь нечестивый разбивати. Пришед поганый и прилезе по лестьвици скрушити святаго Спаса. Притекши святаа Федосиа отвръже лествицю, и разбися поганый. Яша святую Федосью и заклаша ю козловым рогом, и тако скончася святаа Федосья и предасть душю свою в руце господеви.

Тот же образ святый Спас, не трьпя зрети от безаконник поругаема, повеле ангелом яти нечестива царя и привести пред ся. И емши ангели нечестиваго царя и принесоша в церковь святаго Спаса и положиша пред святым образом святаго Спаса и начата бити нечестиваго царя, мучиша и крепко, данележе покаяся от безаконных дел. Та же послаша и кь патриарху, и пришед царь к патриарху нача поведати, како мучиша ангели и отрицашася пред патриархом своих беззаконних дел. И от тых времен бысть духовен. К тому Спасу на праздник весь Царьград приходит и фрязове и вси из Галаты429429
  …из Галаты… – Предместье византийской столицы, находившееся к югу от пролива Босфор.


[Закрыть]; на праздник того Спаса недужным бывает прощение.

В заду олтаря Софеи на восток есть церковь святаго Николы: таа церковь создана у Дмитреевы полаты, где посадил святый Никола, выимя из моря, святаго Дмитреа. У той же церкви на праве есть икона чюдотворнаа святый Спас: ту икону поколол жидовин повыше брови левое; коли поколол жидовин икону, тогда потекла из раны кровь и вода. Тогда видев жидовин чюдо престрашное, и ужасеся, возмя икону, вверже в кладезь, а сам отиде в дом свои скоро. Усретоша его крестьане и узреша у него нож окровавлен, въпрошаху жидовина, где окровавлен бысть нож? Жидовин же на потаи чюда бываема, како поколол икону образ святаго Спаса, и како кровь испусти. Крестьане ж яша жидовина и приведоша его ко царю. Царь жидовина вопроси: "Где скрыи святый образ?" Жидовин же рече: "Онамо вьвръжен бысть в кладезь". Царь же с патриархом и множьство людей идяху ко кладезю; пришедши извлекоша икону образ святаго Спаса ис кладезя, видеша образ кровав, кровь ж святаго образа запечаташа с Христовою кровью, а икону поставиша в церкви святаго Николы. Таа икона много болных исцеляет.

А пред западными дверми в великом окладе святыа Софеи приделано место, где воду крестят: туто есть чаша камена дорогаго аспида зеленого; в той чаши погружают кресты, а над чашею теремец свинцем побит; ту же и царей крестят: ту ж есть 4 кипарисы и два фуника.

От святыа Софеи пойти на восток к долу морю есть на праве монастырь, рекомыи Дигитриа; в том монастыри выходить икона святаа Богородица во всякий вторник на монастырь, велико чюдо створяет, болных исцеляет, а утомляет 8 человек. В той же церкви Семион святый в теле, тото ж есть святаа вода.

А от Дигитреа, идя на полночь к Манганом, пойти есть на праве монастырь: Лазарь святый друг божий, в правом столпе запечатан, а сестра его Марфа по лево руце туто лежит; туго ж на правой руце святый Мелентии лежит, а в левой столпе Марьа Магдалыни замурована.

Оттоле пойти к Манганом: есть монастырь на праве женскыи во имя святыя Богородица; в том манастыри страстие господних уделенно; в той же церкви есть икона святый Спас: таа икона ходила посольством к Риму великому со грамотою по морю и во един день из Рима из великаго со иною грамотою пришла при Германе патриарси и при Льве папе. Туто ж есть на правой стороне Игнатья Богоносца голень. Туто ж близ того монастыря есть манастырь женскыи святый Василеи: туто же лежит Василиа Кесариискаго глава на левой стороне другой службы.